Ayyappa Pancha Ratnam - Pancha Ratna Stotras

lōkavīraṃ mahāpūjyaṃ sarvarakṣākaraṃ vibhum ।
pārvatī hṛdayānandaṃ śāstāraṃ praṇamāmyaham ॥ 1 ॥

viprapūjyaṃ viśvavandyaṃ viṣṇuśambhōḥ priyaṃ sutam ।
kṣipraprasādanirataṃ śāstāraṃ praṇamāmyaham ॥ 2 ॥

mattamātaṅgagamanaṃ kāruṇyāmṛtapūritam ।
sarvavighnaharaṃ dēvaṃ śāstāraṃ praṇamāmyaham ॥ 3 ॥

asmatkulēśvaraṃ dēvamasmachChatru vināśanam ।
asmadiṣṭapradātāraṃ śāstāraṃ praṇamāmyaham ॥ 4 ॥

pāṇḍyēśavaṃśatilakaṃ kēralē kēlivigraham ।
ārtatrāṇaparaṃ dēvaṃ śāstāraṃ praṇamāmyaham ॥ 5 ॥

pañcharatnākhyamētadyō nityaṃ śuddhaḥ paṭhēnnaraḥ ।
tasya prasannō bhagavān śāstā vasati mānasē ॥