Santhana Ganapathi Stotram - Ganesha Stotrams

namō'stu gaṇanāthāya siddhibuddhiyutāya cha ।
sarvapradāya dēvāya putravṛddhipradāya cha ॥ 1 ॥

gurūdarāya guravē gōptrē guhyāsitāya tē ।
gōpyāya gōpitāśēṣabhuvanāya chidātmanē ॥ 2 ॥

viśvamūlāya bhavyāya viśvasṛṣṭikarāya tē ।
namō namastē satyāya satyapūrṇāya śuṇḍinē ॥ 3 ॥

ēkadantāya śuddhāya sumukhāya namō namaḥ ।
prapannajanapālāya praṇatārtivināśinē ॥ 4 ॥

śaraṇaṃ bhava dēvēśa santatiṃ sudṛḍhā kuru ।
bhaviṣyanti cha yē putrā matkulē gaṇanāyaka ॥ 5 ॥

tē sarvē tava pūjārthaṃ niratāḥ syurvarōmataḥ ।
putrapradamidaṃ stōtraṃ sarvasiddhipradāyakam ॥ 6 ॥

iti santānagaṇapatistōtraṃ sampūrṇam ॥