Narayaniyam Dashaka 72 - Vishnu Stotrams

kaṃsō'tha nāradagirā vrajavāsinaṃ tvā-
mākarṇya dīrṇahṛdayaḥ sa hi gāndinēyam ।
āhūya kārmukamakhachChalatō bhavanta-
mānētumēnamahinōdahināthaśāyin ॥1॥

akrūra ēṣa bhavadaṅghriparaśchirāya
tvaddarśanākṣamamanāḥ kṣitipālabhītyā ।
tasyājñayaiva punarīkṣitumudyatastvā-
mānandabhāramatibhūritaraṃ babhāra ॥2॥

sō'yaṃ rathēna sukṛtī bhavatō nivāsaṃ
gachChan manōrathagaṇāṃstvayi dhāryamāṇān ।
āsvādayan muhurapāyabhayēna daivaṃ
samprārthayan pathi na kiñchidapi vyajānāt ॥3॥

drakṣyāmi vēdaśatagītagatiṃ pumāṃsaṃ
sprakṣyāmi kiṃsvidapi nāma pariṣvajēyam ।
kiṃ vakṣyatē sa khalu māṃ kvanu vīkṣitaḥ syā-
ditthaṃ nināya sa bhavanmayamēva mārgam ॥4॥

bhūyaḥ kramādabhiviśan bhavadaṅghripūtaṃ
vṛndāvanaṃ haraviriñchasurābhivandyam ।
ānandamagna iva lagna iva pramōhē
kiṃ kiṃ daśāntaramavāpa na paṅkajākṣa ॥5॥

paśyannavandata bhavadvihṛtisthalāni
pāṃsuṣvavēṣṭata bhavachcharaṇāṅkitēṣu ।
kiṃ brūmahē bahujanā hi tadāpi jātā
ēvaṃ tu bhaktitaralā viralāḥ parātman ॥6॥

sāyaṃ sa gōpabhavanāni bhavachcharitra-
gītāmṛtaprasṛtakarṇarasāyanāni ।
paśyan pramōdasaritēva kilōhyamānō
gachChan bhavadbhavanasannidhimanvayāsīt ॥7॥

tāvaddadarśa paśudōhavilōkalōlaṃ
bhaktōttamāgatimiva pratipālayantam ।
bhūman bhavantamayamagrajavantamanta-
rbrahmānubhūtirasasindhumivōdvamantam ॥8॥

sāyantanāplavaviśēṣaviviktagātrau
dvau pītanīlaruchirāmbaralōbhanīyau ।
nātiprapañchadhṛtabhūṣaṇachāruvēṣau
mandasmitārdravadanau sa yuvāṃ dadarśa ॥9॥

dūrādrathātsamavaruhya namantamēna-
mutthāpya bhaktakulamaulimathōpagūhan ।
harṣānmitākṣaragirā kuśalānuyōgī
pāṇiṃ pragṛhya sabalō'tha gṛhaṃ ninētha ॥10॥

nandēna sākamamitādaramarchayitvā
taṃ yādavaṃ taduditāṃ niśamayya vārtām ।
gōpēṣu bhūpatinidēśakathāṃ nivēdya
nānākathābhiriha tēna niśāmanaiṣīḥ ॥11॥

chandrāgṛhē kimuta chandrabhagāgṛhē nu
rādhāgṛhē nu bhavanē kimu maitravindē ।
dhūrtō vilambata iti pramadābhiruchchai-
rāśaṅkitō niśi marutpuranātha pāyāḥ ॥12॥