Sri Madhvacharya Kruta Dwadasha Stotra - 7 - Vishnu Stotrams

atha saptamastōtram

viśvasthitipraḻayasargamahāvibhūti vṛttiprakāśaniyamāvṛti bandhamōkṣāḥ ।
yasyā apāṅgalavamātrata ūrjitā sā śrīḥ yatkaṭākṣabalavatyajitaṃ namāmi ॥ 1॥

brahmēśaśakraravidharmaśaśāṅkapūrva gīrvāṇasantatiriyaṃ yadapāṅgalēśam ।
āśritya viśvavijayaṃ visṛjatyachintyā śrīḥ yatkaṭākṣabalavatyajitaṃ namāmi ॥ 2॥

dharmārthakāmasumatiprachayādyaśēṣasanmaṅgalaṃ vidadhatē yadapāṅgalēśam ।
āśritya tatpraṇatasatpraṇatā apīḍyā śrīḥ yatkaṭākṣabalavati ajitaṃ namāmi ॥ 3॥

ṣaḍvarganigrahanirastasamastadōṣā dhyāyanti viṣṇumṛṣayō yadapāṅgalēśam ।
āśritya yānapi samētya na yāti duḥkhaṃ śrīḥ yatkaṭākṣabalavati ajitaṃ namāmi ॥ 4॥

śēṣāhivairiśivaśakramanupradhāna chitrōrukarmarachanaṃ yadapāṅgalēśam ।
āśritya viśvamakhilaṃ vidadhāti dhātā śrīḥ yatkaṭākṣabalavati ajitaṃ namāmi ॥ 5॥

śakrōgradīdhitihimākarasūryasūnu pūrvaṃ nihatya nikhilaṃ yadapāṅgalēśam ।
āśritya nṛtyati śivaḥ prakaṭōruśaktiḥ śrīḥ yatkaṭākṣa balavati ajitaṃ namāmi ॥ 6॥

tatpādapaṅkajamahāsanatāmavāpa śarvādivandyacharaṇō yadapāṅgalēśam ।
āśritya nāgapatiḥ anyasurairdurāpāṃ śrīḥ yatkaṭākṣabalavati ajitaṃ namāmi ॥ 7॥

nāgārirugrabalapauruṣa āpa viṣṇuvāhatvamuttamajavō yadapāṅgalēśam । var
viṣṇōrvāha
āśritya śakramukhadēvagaṇaiḥ achintyaṃ śrīḥ yatkaṭākṣa balavati ajitaṃ namāmi ॥ 8॥

ānandatīrthamunisanmukhapaṅkajōtthaṃ sākṣādramāharimanaḥ priyaṃ uttamārtham ।
bhaktyā paṭhati ajitamātmani sannidhāya yaḥ stōtramētabhiyāti tayōrabhīṣṭam ॥ 9॥

iti śrīmadānandatīrthabhagavatpādāchārya virachitaṃ
dvādaśastōtrēṣu saptamastōtraṃ sampūrṇam