Sri Madhvacharya Kruta Dwadasha Stotra - 6 - Vishnu Stotrams

atha ṣaṣṭhastōtram

matsyakarūpa layōdavihārin vēdavinētra chaturmukhavandya ।
kūrmasvarūpaka mandaradhārin lōkavidhāraka dēvavarēṇya ॥ 1॥

sūkararūpaka dānavaśatrō bhūmividhāraka yajñāvarāṅga ।
dēva nṛsiṃha hiraṇyakaśatrō sarva bhayāntaka daivatabandhō ॥ 2॥

vāmana vāmana māṇavavēṣa daityavarāntaka kāraṇarūpa ।
rāma bhṛgūdvaha sūrjitadīptē kṣatrakulāntaka śambhuvarēṇya ॥ 3॥

rāghava rāghava rākṣasa śatrō mārutivallabha jānakikānta ।
dēvakinandana nandakumāra vṛndāvanāñchana gōkulachandra ॥ 4॥

kandaphalāśana sundararūpa nanditagōkulavanditapāda ।
indrasutāvaka nandakahasta chandanacharchita sundarinātha ॥ 5॥

indīvarōdara daḻanayana mandaradhārin gōvinda vandē ।
chandraśatānana kundasuhāsa nanditadaivatānandasupūrṇa ॥ 6॥

dēvakinandana sundararūpa rukmiṇivallabha pāṇḍavabandhō ।
daityavimōhaka nityasukhādē dēvavibōdhaka buddhasvarūpa ॥ 7॥

duṣṭakulāntaka kalkisvarūpa dharmavivardhana mūlayugādē ।
nārāyaṇāmalakāraṇamūrtē pūrṇaguṇārṇava nityasubōdha ॥ 8॥

ānandatīrthakṛtā harigāthā pāpaharā śubhanityasukhārthā ॥ 9॥

iti śrīmadānandatīrthabhagavatpādāchārya virachitaṃ
dvādaśastōtrēṣu ṣaṣṭhastōtraṃ sampūrṇam