Sri Madhvacharya Kruta Dwadasha Stotra - 9 - Vishnu Stotrams

atha navamastōtram
atimatatamōgirisamitivibhēdana pitāmahabhūtida guṇagaṇanilaya ।
śubhatama kathāśaya paramasadōdita jagadēkakāraṇa rāmaramāramaṇa ॥ 1॥

vidhibhavamukhasurasatatasuvanditaramāmanōvallabha bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 2॥

agaṇitaguṇagaṇamayaśarīra hē vigataguṇētara bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 3॥

aparimitasukhanidhivimalasudēha hē vigata sukhētara bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 4॥

prachalitalayajalaviharaṇa śāśvatasukhamayamīna hē bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 5॥

suraditijasubalaviluḻitamandaradhara para kūrma hē bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 6॥

sagirivaradharātaḻavaha susūkaraparamavibōdha hē bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 7॥

atibaladitisuta hṛdaya vibhēdana jayanṛharē'mala bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 8॥

balimukhaditisutavijayavināśana jagadavanājita bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 9॥

avijitakunṛpatisamitivikhaṇḍana ramāvara vīrapa bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 10॥

kharataraniśicharadahana parāmṛta raghuvara mānada bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 11॥

sulalitatanuvara varada mahābala yaduvara pārthapa bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 12॥

ditisutavimōhana vimalavibōdhana paraguṇabuddha hē bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 13॥

kalimalahutavaha subhaga mahōtsava śaraṇada kalkīśa bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 14॥

akhilajanivilaya parasukhakāraṇa parapuruṣōttama bhava mama śaraṇam ।
śubhatama kathāśaya paramasadōdita jagadēkakāraṇa rāmaramāramaṇa ॥ 15॥

iti tava nutivarasatataratērbhava suśaraṇamurusukhatīrthamunēḥ bhagavan ।
śubhatama kathāśaya paramasadōdita jagadēkakāraṇa rāmaramāramaṇa ॥ 16॥

iti śrīmadānandatīrthabhagavatpādāchārya virachitaṃ
dvādaśastōtrēṣu navamastōtraṃ sampūrṇam