Narayaniyam Dashaka 44 - Vishnu Stotrams

gūḍhaṃ vasudēvagirā kartuṃ tē niṣkriyasya saṃskārān ।
hṛdgatahōrātattvō gargamunistvat gṛhaṃ vibhō gatavān ॥1॥

nandō'tha nanditātmā vṛndiṣṭaṃ mānayannamuṃ yaminām ।
mandasmitārdramūchē tvatsaṃskārān vidhātumutsukadhīḥ ॥2॥

yaduvaṃśāchāryatvāt sunibhṛtamidamārya kāryamiti kathayan ।
gargō nirgatapulakaśchakrē tava sāgrajasya nāmāni ॥3॥

kathamasya nāma kurvē sahasranāmnō hyanantanāmnō vā ।
iti nūnaṃ gargamuniśchakrē tava nāma nāma rahasi vibhō ॥4॥

kṛṣidhātuṇakārābhyāṃ sattānandātmatāṃ kilābhilapat ।
jagadaghakarṣitvaṃ vā kathayadṛṣiḥ kṛṣṇanāma tē vyatanōt ॥5॥

anyāṃścha nāmabhēdān vyākurvannagrajē cha rāmādīn ।
atimānuṣānubhāvaṃ nyagadattvāmaprakāśayan pitrē ॥6॥

snihyati yastava putrē muhyati sa na māyikaiḥ punaḥ śōkaiḥ ।
druhyati yaḥ sa tu naśyēdityavadattē mahattvamṛṣivaryaḥ ॥7॥

jēṣyati bahutaradaityān nēṣyati nijabandhulōkamamalapadam ।
śrōṣyasi suvimalakīrtīrasyēti bhavadvibhūtimṛṣirūchē ॥8॥

amunaiva sarvadurgaṃ taritāstha kṛtāsthamatra tiṣṭhadhvam ।
harirēvētyanabhilapannityādi tvāmavarṇayat sa muniḥ ॥9॥

gargē'tha nirgatē'smin nanditanandādinandyamānastvam ।
madgadamudgatakaruṇō nirgamaya śrīmarutpurādhīśa ॥10॥